O‘zbekiston Prezidenti Shavkat Mirziyoyev Mindanao oroli yaqinida yuz bergan 7,8 balli kuchli zilzila munosabati bilan Filippin xalqiga hamdardlik bildirdi. Fojiada 37 kishi qurbon bo‘ldi.
Davlatimiz rahbari hayotdan ko‘z yumganlarning oila a’zolari hamda yaqinlariga qizg‘in hamdardlik va dalda so‘zlarini yo‘llab, jarohatlangan fuqarolarning tez fursatlarda sog‘ayib ketishini tiladi.
Vayronkor yer silkinishi Sulavesi dengizi akvatoriyasida, Mindanao orolining janubiy qirg‘oqlariga yaqin hududda sodir bo‘lgan bo‘lib, uning kuchi 7,8 magnitudadan iborat ekani qayd etilgan. Ushbu birinchi kuchli zarbadan roppa-rosa bir soat o‘tgach, mintaqada kuchi 6,8 ballga teng bo‘lgan yana bir yerosti silkinishi (aftershok) qayta kuzatilgan. Seysmologlarning ma’lumotlariga ko‘ra, tabiiy ofat markazi General-Santos shahridan qariyb 51 kilometr janubda, dengiz tubida joylashgan.
Filippin qutqaruv xizmatlarining so‘nggi rasmiy hisobotlariga tayanadigan bo‘lsak, fojia oqibatida halok bo‘lganlar soni 37 nafarga yetdi, yana 456 nafar mahalliy aholi turli darajadagi tan jarohatlari bilan shifoxonalarga joylashtirilgan. Hozirgi vaqtda vayronalar ostida qidiruv-qutqaruv amaliyotlari to‘xtovsiz davom ettirilmoqda, chunki yana 4 nafar fuqaroning taqdiri noma’lum bo‘lib, ular bedarak yo‘qolganlar ro‘yxatida qolmoqda.
Izohlar
Hozircha izohlar yo‘q