Sinoptiklar 23–25-oktyabr kunlari O‘zbekiston va Toshkent shahri bo‘yicha ob-havo prognozini e’lon qildi: yog‘ingarchilik kutilmaydi, harorat iliq saqlanib qoladi.
O‘zbekiston bo‘yicha ob-havo
O‘zgidromet xabariga ko‘ra, 23–25-oktyabr kunlari O‘zbekiston hududida quruq va iliq ob-havo saqlanib qoladi.
Respublika bo‘yicha kechasi havo harorati +3…+8 daraja, kunduzi +15…+20 daraja atrofida bo‘ladi. Shimoliy hududlarda tunda -2…+3 daraja, kunduzi esa +12…+17 daraja iliq bo‘lishi kutilmoqda.
Shamol sharqdan 7–12 m/s tezlikda esadi. Shimolda va cho‘l hududlarida ba’zi joylarda shamol tezligi 13–18 m/s gacha kuchayishi va chang-to‘zonlar kuzatilishi mumkin.
Toshkent shahridagi ob-havo
Poytaxtda bugun va dam olish kunlari yog‘ingarchilik kutilmaydi. Shamol sharqdan 3–8 m/s tezlikda esadi.
Havo harorati tunda +5…+7 daraja bo‘ladi. Kunduzi 23-oktyabr kuni havo +19…+21 darajagacha isishi kutilmoqda, 24–25-oktyabr kunlari esa harorat +17…+19 daraja atrofida bo‘ladi.
