Qonunchilik palatasi «Chiqindilar to‘g‘risida»gi qonun loyihasini birinchi o‘qishda qabul qildi. Chiqindilarni toifalash, tashish va yangi qoidalar haqida batafsil ma’lumot.
Qonun loyihasining asosiy yangiliklari
Oliy Majlis Qonunchilik palatasi «Chiqindilar to‘g‘risida»gi qonun loyihasini yangi tahrirda birinchi o‘qishda qabul qildi. Hujjat 24 yil avval qabul qilingan qonun o‘rnini egallaydi hamda chiqindilarni yig‘ish, tashish va qayta ishlash tizimini tartibga soladi.
-
Xavflilik darajasi bo‘yicha 5 ta sinf: Chiqindilarning yagona katalogi yaratilib, ular xavflilik darajasiga qarab I dan V gacha bo‘lgan sinflarga ajratiladi.
-
Tashish faoliyatini litsenziyalash: Chiqindilarni tashuvchi korxonalar litsenziya olishi, xavfli chiqindilarni taşıyuvchi maxsus transportlar esa sertifikatlanishi shart bo‘ladi.
-
Poligonlarni xususiylashtirishga taqiq: Maishiy chiqindi poligonlarini xususiylashtirish taqiqlanadi va ular davlat kadastriga kiritiladi.
-
Qurilish va tibbiyot chiqindilari: Qurilish loyihalarida chiqindi xarajatlari va ularni olib chiqib ketish tartibi oldindan ko‘rsatilishi majburiy etib belgilanadi. Tibbiyot chiqindilari uchun alohida zararsizlantirish qoidalari joriy etiladi.
300 metrlik masofa qoidasi kimlarga tegishli?
Hujjatda turar joy binolarigacha kamida 300 metr masofa saqlanishi kerakligi belgilangan. Ushbu talab faqat chiqindilarni qayta yuklash stansiyalariga — chiqindilar presslanadigan va yirik mashinalarga ortiladigan sanoat obektlariga tegishli. Aholi yashaydigan hududlardagi oddiy chiqindi qutilariga bu qoida taalluqli emas.
