2026-yilgi Umra mavsumi yakuniga yetmoqda va Saudiya Arabistoni hukumati ziyoratchilar uchun aniq muddatlarni belgiladi. Qirollik majburiy haj mavsumiga tayyorgarlik ko‘rishi uchun vizalar rasmiylashtirilishi 19-mart kuni to‘xtatiladi.
Agar yaqin kunlarda safarni rejalashtirayotgan bo‘lsangiz, quyidagi muhim sanalarni inobatga oling:
Mamlakat hududiga kirishning oxirgi kuni — 2-aprel.
Barcha ziyoratchilar Saudiya Arabistonini 18-apreldan kechiktirmay tark etishi shart.
Mazkur talablarga rioya qilmaslik qat’iy jazolanadi: jarimalar, deportatsiya hamda qirollikka qayta kirishga uzoq muddatli taqiq qo‘llanilishi mumkin.
Eslatib o‘tamiz, O‘zbekistonda ham Haj va Umra safarlarini tashkil etish jarayoni soddalashtirilmoqda. Yangi yagona “Haj va Umra” portali jarayonni to‘liq raqamli formatga o‘tkazadi:
— ariza topshirish va navbatga qo‘yish;
— to‘lovlarni amalga oshirish va ziyoratchilar ro‘yxatini shakllantirish;
— ariza holati bo‘yicha avtomatik bildirishnomalar;
— inson omilisiz qat’iy muddat nazorati.
Endilikda har bir ziyoratchi o‘z navbatini onlayn rejimda kuzatishi, safarni oldindan rejalashtirishi va barcha jarayonlar shaffof hamda xavfsiz tarzda amalga oshirilayotganiga ishonch hosil qilishi mumkin.
Ushbu choralar byurokratik xatolarni kamaytirish va vizaviy rejim buzilishi xavfini minimallashtirishga xizmat qiladi. O‘z vaqtida rejalashtirish va elektron servisdan foydalanish safarga tayyorgarlikni yanada qulay va xavfsiz qiladi, ziyoratni esa tartibli va osoyishta o‘tishini ta’minlaydi.
