O‘zbekistonda kitob o‘qigan maktab o‘quvchilariga 50 ming dollar beriladi

O‘zbekistonda 1–11-sinf o‘quvchilari o‘rtasida «Milliy kitobxonlik harakati» umummilliy tanlovi o‘tkazilmoqda. Umumiy mukofot jamg‘armasi 240 ming dollar bo‘lib, bosh sovrin — 50 ming dollar.

Tanlov shartlari va ishtirokchilar toifalari

Yoshlar o‘rtasida kitobxonlik madaniyatini rivojlantirish, mutolaa savodxonligini oshirish hamda bilim olishga bo‘lgan qiziqishni rag‘batlantirish maqsadida «Milliy kitobxonlik harakati» umummilliy tanlovi tashkil etilmoqda.

Tanlovda respublikaning 1–11-sinf o‘quvchilari ishtirok etishlari mumkin. Bellashuv uchta yosh toifasi bo‘yicha o‘tkaziladi:

• 1–5-sinf o‘quvchilari;

• 6–8-sinf o‘quvchilari;

• 9–11-sinf o‘quvchilari.

Har bir toifa uchun o‘qilishi lozim bo‘lgan adabiyotlar ro‘yxati belgilangan. Ushbu kitoblarning barchasi Mutolaa mobil ilovasiga joylashtirilgan bo‘lib, tayyorgarlik jarayonida ulardan foydalanish mumkin.

Mukofot jamg‘armasi

Tanlovning umumiy mukofot jamg‘armasi 240 000 AQSH dollarini tashkil etadi. Ishtirokchilar orasida eng yuqori natija ko‘rsatgan g‘olib 50 000 AQSH dollari miqdoridagi bosh sovrinni qo‘lga kiritadi.