Toshkent shahrining Mirobod, Yakkasaroy, Shayxontohur, Chilonzor va Yunusobod tumanlarida issiq suvdan kerosin va kimyoviy moddalarning o‘tkir hidi kelayotgani ma’lum bo‘ldi.
Aholi e’tirozlari va muammo qamrovi
Toshkent shahar kommunal xizmatlarining 1055 dispetcherlik xizmati hamda ijtimoiy tarmoq kanallariga poytaxtning bir qator tumanlaridan issiq suv sifatining keskin yomonlashgani bo‘yicha ko‘plab murojaatlar kelib tushmoqda.
Aholining ta’kidlashicha, jo‘mrakdan oqayotgan issiq suv loqqa loyqa bo‘lib, undan kerosin va yoqilg‘i-moylash mahsulotlariga o‘xshash o‘tkir kimyoviy hid kelmoqda.
Muammo poytaxtning kamida beshta tumanida kuzatilmoqda, xususan Mirobod tumani Shahrisabz va Yaqub Kolas ko‘chalari, Yakkasaroy tumanining Rakat massivi, Pedinstitut hamda Aeroport atrofi, Shayxontohur tumani Gulhaniy ko‘chasi, Chilonzor tumani Charx Kamolon-2 mahallasi va Bunyodkor ko‘chasi, shuningdek Yunusobod tumanining S-5 mavzesi ushbu noqulaylikdan aziyat chekmoqda.
Tavsiyalar va tegishli xizmatlar munosabati
Soha mutassisilari va mas’ul idoralar holatni to‘liq o‘rganib, sabablarini aniqlagunga qadar fuqarolarga quyidagi xavfsizlik choralariga rioya qilish tavsiya etiladi.
O‘tkir kimyoviy hidga ega bo‘lgan issiq suvdan idish-tovoq yuvish hamda cho‘milishda foydalanmaslik, teri ta’sirlanishi va allergik reaksiyalarning oldini olish uchun bunday suv bilan muloqotda bo‘lmaslik hamda muammo kuzatilgan xonadonlar bo‘yicha 1055 dispetcherlik xizmatiga zudlik bilan xabar berish so‘raladi.
