Prezidentga iqtisodiyot va aholini uglevodorodlar bilan barqaror ta’minlash bo‘yicha choralar taqdim etildi. Propan ishlab chiqarish 606 ming tonnaga yetkaziladi, gaz va benzin tanqisligi hamda narx oshishiga qarshi keskin choralar ko‘riladi.
Uchrashuvning asosiy ustuvor yo‘nalishi yonilg‘i narxi oshishining oldini olish va kuz-qish mavsumida tanqislikka yo‘l qo‘ymaslik bo‘ldi. Yig‘ilish yakunlari bo‘yicha bir qator muhim topsiriqlar berildi:
-
Ishlab chiqarish hajmini oshirish: Yil oxiriga qadar suyultirilgan gaz (propan) ishlab chiqarish rejalari 520 ming tondan 606 ming tonnagacha oshirildi (86 ming tonna qo‘shimcha hajm).
-
Yangi quduqlarni ishga tushirish: Avgust oyi davomida «Yangi Kultak», «Niyoz», «Qorataur», «Marvarid» va «Tegirmon» konlarida 27 ta yangi quduq ishga tushiriladi, bu esa qo‘shimcha 887 ming kubometr tabiiy gaz beradi.
-
Chayqovchilikka qarshi kurash: Mas’ul idoralarga qat’iy nazorat o‘rnatish, resurslar yetkazib berishni asossiz cheklash, sun’iy tanqislik hamda narxlarning sun’iy oshirilishiga yo‘l qo‘ymaslik topshirildi. Mahsulotlar birja savdolariga real talabdan kelib chiqib chiqariladi.
-
Kunlik monitoring: Soha rahbarlariga har kuni ichki bozordagi vaziyatni tahlil qilish va uzilishlar xavfini tezkorlik bilan bartaraf etish yuklatildi.
Kontekst: Yonilg‘i narxida nimalar yuz berayotgan edi?
Davlat rahbari tomonidan berilgan qat’iy topsiriqlar O‘zbekistonda benzin va propan narxi sezilarli darajada qimmatlashgani fonida berildi:
O‘zbekistonning yuqori oktanli benzin importida Rossiya bozoriga bog‘liqligi yuqoriligicha qolmoqda. Rossiya Federatsiyasi eksportga vaqtinchalik cheklovlar kiritganidan so‘ng, respublikada AI-92 va AI-95 markali benzin narxi keskin ko‘tarilgan edi. Cheklovlar olib tashlangach, narxlar o‘rtacha atigi 500 so‘mga arzonlashdi. Shu munosabat bilan davlat organlari mahalliy ishlab chiqarishni ko‘paytirish va sun’iy vositachilik zanjirlarini yo‘q qilishni maqsad qilgan.
