Qirg‘iziston prezidenti Sadyr Japarov 2027-yil 27-yanvarda bo‘lib o‘tadigan saylovda ikkinchi muddatga o‘z nomzodini ko‘rsatdi. MSKga jami 6 ta ariza kelib tushgan.
Mustaqil nomzod va raqobatchilar
Japarov saylovda o‘z nomzodini mustaqil ravishda (o‘z-o‘zini ko‘rsatish tartibida) ilgari surmoqda. Davlat rahbari saylovi 2027-yil 27-yanvarga belgilangan bo‘lib, nomzodlarni ko‘rsatish bosqichi 13-noyabrda yakunlanadi.
Hozirgi kunda MSKga jami 6 nafar nomzoddan arizalar kelib tushgan. Amaldagi prezidentdan tashqari quyidagi shaxslar poygada qatnashish niyatini bildirgan:
-
Aymen Kasenov;
-
Azamat Esenbekov;
-
Saymiq Japiqeyev;
-
Akay Qodirov;
-
Isxak Masaliyev.
Avvalroq nomzodlikka da’vogarlardan ikki kishi — IIV sobiq rahbari Omurbek Suvanaliyev hamda moliyaviy politsiya sobiq rahbari Saymiq Japiqeyev davlat tili bo‘yicha majburiy imtihondan o‘ta olmagani ma’lum qilingan edi.
Ariza topshirilgach, Japarov «Tunduk» tizimi orqali bir sutkadan kam vaqt ichida 40 mingdan ortiq fuqaro imzosini yig‘ib, talab etilgan 30 minglik me’yorni bajarib bo‘ldi.
Huquqiy asoslar
Sadyr Japarov 2021-yil yanvarida o‘tgan muddatidan ilgari saylovda 79,2 foiz ovoz bilan g‘alaba qozongan edi. O‘sha paytdagi Konstitutsiyaga ko‘ra prezidentlik muddati 6 yilni tashkil etgan.
2021-yilda qabul qilingan yangi Konstitutsiya esa muddatni 5 yil etib belgiladi va bir shaxs ko‘pi bilan ikki muddat tayinlanishi mumkinligini ko‘rsatdi. Qirg‘iziston Konstitutsiyaviy sudi Japarovning amaldagi 6 yillik boshqaruvi birinchi muddat deb hisoblanishini va u ikkinchi 5 yillik muddatga nomzodini qo‘yishga to‘liq huquqli ekanini tasdiqlagan
Izohlar
Hozircha izohlar yo‘q