Toshkentda 26–27-oktyabr kunlari kuz-qish mavsumiga tayyorgarlik rejaviy ta’mirlash ishlari sababli oltita tumanda ichimlik suvi ta’minoti vaqtincha cheklanadi.
Suv o‘chirilishi sabablari va qamrov hududi
Toshkent shahrida 26-oktyabr kuni soat 09:00 dan 27-oktyabr soat 14:00 ga qadar poytaxtning Mirzo Ulug‘bek, Yashnobod, Bektemir, Sergeli, Mirobod va Yangihayot tumanlarida ichimlik suvi ta’minoti vaqtincha to‘xtatiladi. Ushbu чекловlar 2026-yilgi kuz-qish mavsumiga tayyorgarlik ko‘rish doirasida rejalashtirilgan profilaktika va ta’mirlash ishlari bilan bog‘liq.
Suv ta’minotidagi uzilishlar o‘nlarcha mahallalarni, Sergeli hamda Quruvchilar massivlarini, shuningdek, bir qator muhim ijtimoiy va sanoat ob’ektlarini qamrab oladi. Ular orasida Islom Karimov nomidagi Toshkent xalqaro aeroporti, Olimpiya shaharchasi, «Yangi O‘zbekiston» bog‘i, «Qo‘yliq», «Yangiobod» va «Gumbaz» bozorlari, GM, Pepsi, Artel korxonalari hamda shifoxonalar bor. Tuman issiqlik markazlariga suv berish to‘xtashi munosabati bilan ayrim hududlarda issiq suv ta’minoti ham vaqtincha cheklanishi mumkin.
Suv yetkazib berish va ma’lumot olish tartibi
Profilaktika ishlari davomida suv ta’minotisiz qolgan hududlar va aholi xonadonlariga ichimlik suvi maxsus avto-sistearnalar orqali yetkazib berilishi ta’minlanadi.
Fuqarolar qo‘shimcha ma’lumot olish va suv yetkazib berish bo‘yicha murojaat qilish uchun dispetcherlik xizmatining (+998 71) 256-10-95, (+998 71) 252-60-08 hamda 1054 qisqa raqamlariga bog‘lanishlari mumkin.
