Namanganda avtobusda 66 yoshli erkak 18 yoshli qizga shilqimlik qildi, qiz esa unga zarba berdi. Sud ikkala fuqaroni ham ma’muriy javobgarlikka tortib, jarima jazosini tayinladi.
Namangan shahrida shahar avtobusida 18 yoshli qiz va 66 yoshli erkak o‘rtasida yuz bergan nizo yuzasidan sud hukmi o‘qildi. Bu haqda sud qaroriga tayanib UzNews.uz xabar berdi.
Hodisa 27-iyul kuni sodir bo‘lgan. Ish materiallariga ko‘ra, 66 yoshli erkak avtobus ichida qizning son qismidan ushlab, unga nisbatan shilqimlik qilgan. Bunga javoban qiz erkakka tarvuzdek musht tushirgan. Oqibatda erkak salomatlikning yomonlashuviga olib kelmagan yengil tan jarohati olgan.
Sud har ikki fuqaroni ham Ma’muriy javobgarlik to‘g‘risidagi kodeks bo‘yicha aybdor deb topdi.
Qizga MJtKning 52-moddasi 2-qismi (Qasddan yengil tan jarohati yetkazish) bilan BHMning 0,5 baravari (206 ming so‘m) miqdorida jarima jazosi tayinlandi.
Niyatida buzg‘unchilik bo‘lgan erkak esa MJtKning 41-1-moddasi 1-qismi (Shahvoniy shilqimlik qilish) bo‘yicha aybli deb topilib, unga BHMning 2 baravari (824 ming so‘m) miqdorida jarima solindi.
