Milliy statistika qo‘mitasi ma’lumotlariga ko‘ra, 2025-yil iyulidan 2026-yil iyuligacha O‘zbekistonda palov indeksi 7-10 foizga qimmatlashdi. Eng qimmat masalliqlar Xorazm va Andijon viloyatlariga to‘g‘ri kelmoqda.
O‘zbekistonda bir yil ichida — 2025-yilning iyulidan 2026-yilning iyuliga qadar — osh tayyorlash uchun kerak bo‘ladigan masalliqlar narxi hududlarga qarab 7 foizdan 10 foizgacha qimmatlashdi. Mahsulotlar narxining eng yuqori o‘sishi Xorazm, Andijon va Buxoro viloyatlarida qayd etildi, deb xabar bermoqda Kun.uz.
Milliy statistika qo‘mitasining oylik ma’lumotlariga ko‘ra, Xorazmda bir yil avval 1 kg osh masallig‘i uchun 106 ming so‘m talab etilgan bo‘lsa, Hozirda bu ko‘rsatkich qariyb 118 ming so‘mga yetgan.
Iyul oyi yakunlariga ko‘ra 1 kg palov masallig‘ining o‘rtacha narxi:
-
Toshkent shahri — 128 730 so‘m (eng qimmat);
-
Farg‘ona viloyati — 125 283 so‘m;
-
Qoraqalpog‘iston Respublikasi — 107 396 so‘m (eng arzon).
Hisob-kitoblarga 8 turdagi mahsulot kiritilgan: 0,7 kg mol go‘shti, 1 kg «Lazer» guruchi, 0,3 l kungaboqar yog‘i, 1 kg sabzi, 300 g piyoz, 100 g noxat, 10 g zira va 20 g tuz.
Xorazm va Andijonda palov indeksi 10 foizdan, Buxoro va Toshkentda 9 foizdan, Samarqand, Toshkent, Sirdaryo, Qashqadaryo hamda Jizzaxda esa 7 foizga oshgan. Taqqoslash uchun, Statistika agentligi ma’lumotlariga ko‘ra, 2026-yil iyulida mamlakatdagi yillik inflyatsiya ko‘rsatkichi 6,4 foizni tashkil etgan. Bu esa osh masalliqlarining qimmatlashishi rasmiy oziq-ovqat inflyatsiyasidan yuqori bo‘lganini ko‘rsatmoqda.
