Migratsiya agentligi Qatardagi Ulta Beauty do‘konlarida 1450 dollardan 5500 dollargacha maosh beriladigan bo‘sh ish o‘rinlarini e’lon qildi. Hujjatlar 29-avgustga qadar qabul qilinadi.
Oylik maoshlar miqdori:
-
Do‘kon generalniy menejeri — $5500;
-
Do‘kon boshqaruvchisi o‘rinbosari — $4000;
-
Mijozlar bilan ishlash menejeri — $3850;
-
Bo‘lim menejeri — $3050;
-
Brend bo‘yicha trening mutaxassisi — $2750;
-
Vizajist — $2300;
-
Teri parvarishi bo‘yicha mutaxassis — $2200;
-
Kosmetika bo‘yicha konsultant — $1900;
-
Vizual merchandayzer — $1500;
-
Manikyur va pedikyur ustasi — $1450.
Shartlar va nomzodlarga qo‘yilgan talablar
Ish beruvchi O‘zbekistondan Qatarga uchib borish va ta’til paytida orqaga qaytish aviachiptalari, ishchi viza, aeroportdan transfer va tibbiy sug‘urta xarajatlarini to‘liq qoplaydi. Yashash joyi, ovqatlanish hamda har kunlik transport xarajatlarini xodimning o‘zi to‘laydi.
Nomzodlar 20 yoshdan oshgan, ma’lumoti kamida o‘rta, ingliz tilini erkin bilishi hamda tegishli sohada kamida 2 yillik tajribaga ega bo‘lishi lozim. Tanlovda erkaklar va ayollar birdek qatnashishi mumkin. Hujjatlar 2026-yil 29-avgustga qadar Migratsiya agentligining rasmiy portali (labour.uz) orqali qabul qilinadi.
Muhim ma’lumot: Qatarda daromad solig‘i va xarajatlar
Qatarda jismoniy shaxslardan olinadigan daromad solig‘i (Income Tax) 0 foizni tashkil etadi — ko‘rsatilgan maoshlar xodimga to‘liq, ushlanmalarsiz beriladi. Biroq xodimlar turar joy va ovqatlanishni o‘zlari to‘lashlari sababli bo‘lajak xarajatlarni inobatga olish lozim. Qatarda bir kishi uchun oylik xarajatlar (ijara va oziq-ovqat) o‘rtacha 600 dollardan 1200 dollargacha tushadi.
