Migratsiya agentligi Serbiyadagi qurilish sohasida 120 ta bo‘sh ish o‘rni e’lon qildi. Oylik maosh 1000 dan 1500 yevrogacha bo‘lib, yo‘l xarajatlari va turar joy ish beruvchi tomonidan qoplanadi.
Migratsiya agentligi Serbiyadagi qurilish sohasida o‘zbekistonliklar uchun 120 ta bo‘sh ish o‘rni e’lon qildi. Bu haqda Agentlik ma’lumotlariga tayanib Putevka.com xabar bermoqda.
Taklif etilayotgan vakansiyalar va oylik maoshlar quyidagicha:
-
Armaturachilar (50 ta o‘rin) — 1000 yevro;
-
Duradgorlar (50 ta o‘rin) — 1000 yevro;
-
Qurilish muhandislari (5 ta o‘rin) — 1500 yevro (fuqarolik muhandisligi yo‘nalishi bo‘yicha diplom shart);
-
Kran operatorlari (5 ta o‘rin) — 1200 yevro (balandlikda ishlash ko‘nikmasi lozim);
-
Stanok va qurilish texnikasi operatorlari (10 ta o‘rin) — 1200 yevro.
Nomzodlarga qo‘yiladigan talablar: tegishli yo‘nalish bo‘yicha kasb-hunar ta’limi sertifikati, kamida 5 yillik ish tajribasi, boshlang‘ich ingliz tili (rus tili bilinsa afzallik beriladi), sudlanmaganlik hamda jismoniy salomatlik.
Mehnat shartnomasi 1 yil muddatga (uzaytirish imkoniyati bilan) tuziladi. Ish grafigi — haftasiga 5 kun, soat 07:00 dan 17:00 gacha.
Ish beruvchi ish vizasi, O‘zbekistondan Serbiyaga borish-kelish yo‘l xarajatlari, yashash joyi, kuniga 2 mahal ovqatlanish va tibbiy sug‘urtani o‘z zimmasiga oladi. Nomzodlar 20-avgustga qadar maxsus havola orqali ro‘yxatdan o‘tishlari kerak. Onlayn suhbatlar 2026-yil 25–28-avgust kunlari o‘tkaziladi.
