2026-yil mayidan banklarda 175 mln so‘mdan yuqori operatsiyalar qo‘shimcha tekshiriladi. Import shartnomalari bo‘yicha nazorat chegarasi 2 mlrd so‘mga tushirildi.
Yangi tartib doirasida voyaga yetmagan shaxslarning hisobvaraqlariga ham alohida e’tibor qaratiladi. Agar bolalar nomidagi kartaga 16,5 million so‘mdan ortiq mablag‘ kelsa yoki yechib olinsa, bu operatsiya shubhali deb tasniflanishi mumkin.
Shuningdek, xalqaro pul o‘tkazmalari bo‘yicha ham cheklovlar qat’iylashdi. Nazoratdagi davlatlar bilan bog‘liq 412 million so‘mdan oshgan o‘tkazmalar endi maxsus tekshiruvdan o‘tadi.
Tashqi iqtisodiy faoliyat bilan shug‘ullanuvchi tadbirkorlar uchun ham muhim yangilik mavjud. Import shartnomalariga kiritiladigan o‘zgarishlarni monitoring qilish chegarasi 8,24 milliard so‘mdan 2 milliard so‘mga tushirildi. Bu esa katta hajmdagi xaridlar ustidan nazoratni yanada kuchaytiradi.
Mutaxassislarning fikricha, ushbu o‘zgarishlar kapitalning mamlakatdan noqonuniy chiqib ketishini oldini olishda muhim omil bo‘ladi.
Izohlar
Hozircha izohlar yo‘q