Endilikda YaIDXP portalida muayyan surunkali kasalliklari tufayli mashinada xavfsizlik kamarini taqish taqiqlangan fuqarolarga tibbiy ma’lumotnomani onlayn rejimda berish yo‘lga qo‘yildi.
Hujjatni rasmiylashtirish jarayoni to‘liq raqamlashtirildi. Buning uchun foydalanuvchi my.gov.uz saytidagi shaxsiy kabinetiga yoki uning smartfondagi ilovasiga kirib, “Ma’lumotnomalar” bo‘limidan tegishli xizmatni faollashtirishi kerak. Portalga hech qanday qo‘shimcha hujjat yuklash talab etilmaydi.
Fuqaro shunchaki shifoxonada tibbiy ko‘rikdan o‘tishi kifoya. Shifokor tashxisi Sog‘liqni saqlash vazirligining yagona elektron bazasiga kiritilgach, tizim avtomat ravishda QR-kodli rasmiy hujjatni taqdim etadi.
Mazkur raqamli xizmat bepul asosda ko‘rsatiladi va u uzoq vaqt navbatda turish muammosiga chek qo‘yadi. Elektron ma’lumotnomaning amal qilish muddati tibbiy komissiya tomonidan shifokor xulosasida belgilangan vaqtga qarab hisoblanadi.
Izohlar
Hozircha izohlar yo‘q