Uzbekistan Airways aviayonilg‘i taqchilligi va uning narxi oshishi sababli Rossiya shaharlariga parvozlar chastotasini qisqartirmoqda. Yo‘lovchilarga chiptalarni bepul qaytarish yoki boshqa sanaga ko‘chirish imkoni beriladi.
Avvalroq tashuvchi Moskva, Sankt-Peterburg, Qozon, Yekaterinburg, Krasnoyarsk, Novosibirsk, Xabarovsk va Rossiyaning boshqa bir qator shaharlariga muntazam reyslarni amalga oshirib kelayotgan edi. Aviakompaniya xabariga ko‘ra, mamlakatlar o‘rtasidagi aviaaloqalar to‘liq saqlab qolinadi, biroq bir qator yo‘nalishlarda parvozlar chastotasi qisqartiriladi.
Kompaniya rahbariyati ushbu cheklovlar aviayonilg‘i taqchilligi yuzaga kelgani hamda uning tannarxi keskin oshib ketgani bilan bog‘liqligini bildirdi.
Parvozlari bekor qilingan reyslarning yo‘lovchilari qo‘shimcha to‘lovlarsiz xuddi shu yo‘nalishdagi eng yaqin bo‘sh reyslarga chiptalarini almashtirishlari mumkin. Shuningdek, aviachipta qiymatini hech qanday jarima ва ushlanmalarsiz to‘liq qaytarib olish imkoniyati mavjud. Mablag‘ni qaytarish chipta sotib olingan joyning o‘zida amalga oshiriladi. Agar chipta Uzbekistan Airways sayti yoki mobil ilovasi orqali xarid qilingan bo‘lsa, offers@uzairways.com elektron pochtasiga so‘rov yuborish lozim.
