Vazirlik va hokimliklar Yangi O‘zbekiston hududiga ko‘chishi munosabati bilan poytaxt markazidagi yirik binolar auksionga qo‘yildi. Nizomiy nomidagi TDPU binosi 886 mlrd so‘mga baholandi.
Davlat aktivlarini boshqarish agentligi ma’lumotlariga ko‘ra, ushbu ommaviy sotuvlar vazirlik, idoralar hamda tuman hokimliklarining bosqichma-bosqich barpo etilayotgan “Yangi O‘zbekiston” hududiga ko‘chib o‘tishi bilan bog‘liqdir. Sotuvga qo‘yilgan barcha ob’yektlarning umumiy boshlang‘ich qiymati qariyb 1 trillion so‘mni tashkil etmoqda.
Lotinlar ichida eng qimmatbaho va strategik ahamiyatga egasi Nizomiy nomidagi Toshkent davlat pedagogika universitetining (TDPU) bosh binosi bo‘lib, uning boshlang‘ich bahosi 886,6 milliard so‘m etib belgilandi.
Shuningdek, ro‘yxatdan Kambag‘allikni qisqartirish va bandlik vazirligi (Mehnat vazirligi) hamda Texnik jihatdan tartibga solish agentligining ma’muriy binolari ham o‘rin olgan. Mutaxassislarning fikricha, poytaxtning eng nufuzli nuqtalaridagi ushbu binolar investorlar uchun yirik tijoriy loyihalarni amalga oshirishda qulay imkoniyat yaratadi.
Sotuvga chiqarilgan ob’yektlarning to‘liq ro‘yxati
