Toshkentda raqamsiz va tonirovka qilingan Malibu haydovchisi YHXBB xodimlaridan qochishga urindi. u qarama-qarshi bo‘lakka chiqib harakatlangani ortidan ushlanib, mashinasi jarima maydonchasiga joylashtirildi.
Qoidabuzarlik tafsilotlari va quvuv
Toshkent shahar IIBB YHXB xodimlari Uchqahramon tomondan Hasanboy yo‘nalishida harakatlanayotgan Malibu 2 rusumli avtomobilni to‘xtatishga urindi. Transport vositasi davlat raqam nishonisiz, old va yon oynalari qorong‘ilashtirilgan (tonirovka qilingan) hamda orqa qismiga qo‘shimcha antenna o‘rnatilgan holda harakatlanayotgan bo‘lgan.
YPH xodimining qonuniy to‘xtash ishorasiga bo‘ysunmagan haydovchi keskin orqaga burilib, qarama-qarshi bo‘lak bo‘ylab harakatni davom ettirgan. Huquq-tartibot xodimlari tomonidan olib borilgan taqib natijasida avtomobil ushlab qolindi.
Ma’muriy choralar va javobgarlik
YHXBB xodimlari tomonidan haydovchiga nisbatan O‘zbekiston Respublikasi MJtKning bir nechta moddalari bo‘yicha ma’muriy bayonnoma rasmiylashtirildi:
-
126-modda: ko‘rish darajasini cheklovchi tonirovka qilingan oynalar bilan avtomobilni boshqarish;
-
128-5-modda: qarama-qarshi harakatlanish yo‘lagiga chiqish va avariya holatini keltirib chiqarish;
-
128-10-modda: yo‘l bezoriligi;
-
194-modda: ichki ishlar organi xodimining qonuniy talablariga bo‘ysunmaslik.
Huquqbuzarning avtomobili vaqtincha saqlash uchun jarima maydonchasiga joylashtirildi.
