Sinoptiklar Toshkentda kunning ikkinchi yarmida yana tropik yomg‘irlar va kuchli shamol kutilmoqda. +40°C darajali issiq qisqa fursatda kuchli dovul va selga aylanmoqda.
O‘zbekiston poytaxtidagi ob-havo sharoiti tobora nam tropik iqlim xususiyatlarini namoyon qilmoqda. Shahar ko‘chalari va turar joy binolarini suv ostida qoldirgan do‘lli kuchli jalaladan keyin, sinoptiklar yana bir bor favqulodda ogohlantirish e’lon qildi — kunning ikkinchi yarmida Toshkentni navbatdagi tropik yomg‘irlar silsilasi qamrab oladi.
Mintaqa uchun tropik mamlakatlarga xos bo‘lgan keskin iqlimiy tebranishlar odatiy tusga kirmoqda. Haroratning dastlab +40°C darajagacha ko‘tarilishi, ketidan esa sanoqli daqiqalar ichida osmonni qora bulutlar qoplab, kuchli momoqaldiroq va shiddatli sel quyishi poytaxt iqlimining yangi realligiga aylandi.
Yog‘ingarchilikning noodatiy ko‘p miqdori sababli shahar kommunal xizmatlari kuchaytirilgan ish rejimiga o‘tkazilgan. Keskin o‘zgaruvchan ob-havo sharoitida mutaxassislar aholiga ehtiyot choralarini ko‘rishni, kuchli shamol vaqtida transport vositalarini yirik daraxtlar hamda yengil konstruksiyali ob’yektlar ostida qoldirmaslikni tavsiya qilmoqda.
