“O‘zgidromet” 4 va 6-iyul kunlari kutilayotgan kuchli yomg‘irlar sababli respublikaning tog‘oldi va tog‘li hududlarida sel-suv toshqini hodisalari yuzaga kelishi mumkinligidan ogohlantirdi va shoshilinch xabar tarqatdi.
Shu munosabat bilan mutasaddi idoralar aholini va haydovchilarni xavfsizlik choralariga rioya etishga chaqirmoqda.
Sel kelishi ehtimoli yuqori bo‘lgan hududlar ro‘yxati:
-
Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor tumanlari;
-
Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrabot tumanlari;
-
Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon tumanlari;
-
Navoiy viloyati: Xatirchi, Navbahor, Nurota, Konimex, Karmana tumanlari;
-
Jizzax viloyati: Zomin, Baxmal, G‘allaorol, Sharof Rashidov, Forish, Yangiobod tumanlari;
-
Toshkent viloyati: Ohangaron, Bo‘stonliq, Parkent, Pskent, O‘rtachirchiq, Yuqorichirchiq tumanlari hamda Angren, Olmaliq shaharlari;
-
Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlari;
-
Farg‘ona viloyati: So‘x, Shohimardon, Farg‘ona, Beshariq tumanlari;
-
Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari hamda Xonobod shahri.
Mutaxassislarning qo‘shimcha qilishicha, respublikaning ayrim pasttekislik hududlarida yomg‘ir suvlari to‘planishi natijasida hududlarni suv bosishi holatlari ham kuzatilishi mumkin. Tog‘li hududlarda yashovchi fuqarolar, tog‘ va adirlarga dam olishga chiquvchilar hamda dovon yo‘llarida harakatlanuvchi haydovchilardan barcha zaruriy ehtiyot choralarini ko‘rish so‘raladi.
