Prezident Shavkat Mirziyoyev 2–3-iyul kunlari davlat safari bilan Tbilisida bo‘ladi. Mazkur xizmat safari Gruziya Bosh vaziri Irakliy Kobaxidzening taklifiga binoan amalga oshirilmoqda.
Rejaga ko‘ra, mamlakatimiz yetakchisi Gruziya Prezidenti Mixail Kavelashvili hamda hukumat rahbari bilan uchrashib, o‘zaro hamkorlikni chuqurlashtirish istiqbollarini muhokama qiladi.
Muzokaralar davomida asosiy e’tibor investitsiyaviy aloqalarni faollashtirish, jumladan, AKT, sanoat, agrar tarmoq, farmatsevtika va turizm yo‘nalishlarida yangi loyihalarni yo‘lga qo‘yishga qaratiladi. Shuningdek, o‘zbek korxonalari uchun yangi savdo bozorlarini ochish maqsadida transport-logistika imkoniyatlarini kengaytirish masalasi ko‘rib chiqiladi. Yakunda ko‘plab sohalarni qamrab olgan hujjatlar to‘plami imzolanadi.
Izohlar
Hozircha izohlar yo‘q