Farmatsevtika tarmog‘ini rivojlantirish agentligi 2500 ta retseptli dorilar narxi keskin arzonlashdi. 1-iyuldan antibiotiklar 50 foizgacha, yurak dorilari esa 37 foizgacha arzonlashdi.
Mazkur islohot aholi uchun eng zarur bo‘lgan dori-darmonlar qimmatlashib ketishining oldini olish va dorixonalardagi narx-navoni tartibga solish maqsadida amalga oshirildi.
Yangi tartibga ko‘ra, dorilarning ayrim toifalari deyarli yarim narxigacha arzonlashgan. Xususan, talab yuqori bo‘lgan antibiotiklar va antimikrob preparatlar narxi 50 foizgacha, yurak-qon tomir tizimi kasalliklarida qo‘llaniladigan dorilar 37 foizgacha pasaygan. Shuningdek, asab tizimi preparatlari 40 foizgacha, yallig‘lanishga qarshi va og‘riq qoldiruvchi vositalar esa 42 foizgacha arzonlashgani qayd etildi. Fuqarolar dorixonalardagi narxlarni pharm.gov.uz sayti yoki “PharmUz” mobil ilovasi orqali belgilangan cheklangan narxlar bilan solishtirishlari va qonunbuzarlik aniqlangan taqdirda shu yerning o‘zida rasmiy shikoyat qoldirishlari mumkinligi eslatib o‘tilgan.
