O‘zbekistonda jismoniy shaxslarga tegishli avtomobillar soni 5 millionga yaqinlashdi: 2026-yil 1-iyul holatiga ko‘ra mamlakatda 4,98 milliondan ortiq transport vositasi ro‘yxatga olingan bo‘lib, eng yuqori ko‘rsatkich Toshkent shahrida qayd etildi.
Fuqarolar mulkining asosiy qismini yengil avtomobillar tashkil etadi — 4,61 milliondan ortiq birlik (umumiy ulushning 92,7 foizi). Shuningdek, respublika bo‘yicha jismoniy shaxslarga 343 375 ta yuk avtomobili, 7 508 ta mikroavtobus, 7 128 ta maxsus avtotransport hamda 5 786 ta avtobus tegishli.
Hududlar bo‘yicha eng ko‘p shaxsiy transport vositalari Toshkent shahrida ro‘yxatga olingan bo‘lib, ularning soni 637 706 tani tashkil etmoqda.
Keyingi o‘rinlarni Farg‘ona viloyati (573 472 birlik), Samarqand viloyati (563 072 birlik) va Toshkent viloyati (476 148 birlik) egallab turibdi. Eng kam avtotransport vositalari esa Sirdaryo (110 122 birlik), Jizzax (145 392 birlik) hamda Navoiy viloyatlarida (156 745 birlik) qayd etilgan.
Izohlar
Hozircha izohlar yo‘q