Ijtimoiy himoya milliy agentligi bolalarga nisbatan zoravonlik, shafqatsiz munosabat hamda ularning hayotiga tahdidlar haqida xabar berish uchun 1246 kiska raqamli ishonch telefonini ishga tushirdi. Xizmat anonim va bepul ishlaydi.
Ushbu qisqa raqam orqali voyaga yetmaganlarga nisbatan sodir etilayotgan huquqbuzarliklar hamda ularning xavfsizligiga tahdid soluvchi holatlar bo‘yicha murojaatlar qabul qilinadi. Muassasa fuqarolarni quyidagi holatlarga guvoh bo‘lganda ushbu raqamga zudlik bilan murojaat qilishga chaqirmoqda:
-
Jismoniy zoravonlik: Bolaga tan jarohati yetkazish, uni urish, qทรatish yoki uning salomatligiga qasddan zarar yetkazish holatlari.
-
Ruhiy va emotsional zoravonlik: Bolaning shaxsiyatini kamsitish, doimiy baqirish, tahdid qilish, uni jamiyatdan ajratib qo‘yish yoki ruhiy bosim o‘tkazish.
-
Jinsiy zoravonlik va daxlsizlikka tajovuz: Bolaga nisbatan har qanday jinsiy xarakterdagi noqonuniy harakatlar va shilqimliklar.
-
Shafqatsiz munosabat va beparvolik: Bolaning hayotiy muhim ehtiyojlariga (ovqat, kiyim, tibbiy yordam, ta’lim) e’tibor bermaslik, uni qarovsiz qoldirish hamda ota-onalik majburiyatlarini bajarishdan bosh tortish.
-
Boshqa xavfli vaziyatlar: Bolaning hayoti va sog‘lig‘iga bevosita yoki bilvosita xavf tug‘diruvchi har qanday atrof-muhit va maishiy omillar.
Ijtimoiy himoya milliy agentligi tomonidan berilgan rasmiy axborotga ko‘ra, ishonch telefoniga qo‘ng‘iroq qilgan har bir fuqaroning shaxsiy ma’lumotlari va anonimligi to‘liq kafolatlanadi. Murojaat qiluvchi haqidagi axborot uchunchi shaxslarga oshkor etilmaydi va sir saqlanadi. Kelib tushgan har bir signal mas’ul mutaxassislar hamda ijtimoiy xodimlar tomonidan zudlik bilan ko‘rib chiqiladi hamda zarur hollarda huquqni muhofaza qiluvchi organlar va tibbiyot xodimlari jalb etiladi.
Hozirgi vaqtda 1246 ishonch telefoni infratuzilmani sinovdan o‘tkazish hamda tizim faoliyatini uzluksiz yo‘lga qo‘yish maqsadida test rejimida faoliyat yuritmoqda. Agentlik vakillari jamiyatdagi har bir shaxsning befarq bo‘lmagan pozitsiyasi va o‘z vaqtida qilingan bitta qo‘ng‘irog‘i bolaning hayotini saqlab qolishi hamda yuzaga kelishi mumkin bo‘lgan fojialarning oldini olishda hal qiluvchi rol o‘ynashini ta’kidlamoqda.
Izohlar
Hozircha izohlar yo‘q