Statistika qo‘mitasi 2025-yil yakunlarini e’lon qildi: mamlakatda doimiy aholining o‘rtacha umr ko‘rish ko‘rsatkichi 75,4 yoshga yetdi.
Milliy statistika qo‘mitasining ma’lumotlariga ko‘ra, O‘zbekiston doimiy aholisining o‘rtacha umr ko‘rish davomiyligi 2025-yil yakunlariga ko‘ra 75,4 yoshni tashkil etdi.
Ushbu ko‘rsatkich o‘rtacha umr ko‘rish davomiyligi 66,4 yoshga teng bo‘lgan 1991-yilgi davr bilan solishtirilganda, mustaqillik yillarida aholi umri o‘rtacha 9 yilga uzayganini ko‘rsatmoqda. Yillar kesimidagi ijobiy o‘sish dinamikasi mamlakatda ijtimoiy-demografik holat yaxshilanayotganidan dalolat beradi.
Yillar bo‘yicha o‘rtacha umr ko‘rish davomiyligining o‘zgarish dinamikasi quyidagicha ko‘rinish olgan:
-
1991-yil — 66,4 yosh;
-
1995-yil — 69,1 yosh;
-
2000-yil — 70,8 yosh;
-
2005-yil — 71,8 yosh;
-
2010-yil — 73 yosh;
-
2015-yil — 73,6 yosh;
-
2020-yil — 73,4 yosh;
-
2024-yil — 75,1 yosh;
-
2025-yil — 75,4 yosh.
