Andijon viloyatida Dildoraxon Ahmedova to‘rt egizak — uch qiz va bir o‘g‘ilni dunyoga keltirdi. Tug‘ruq kesarcha kesish amaliyoti orqali muvaffaqiyatli amalga oshirildi, ona va chaqaloqlar shifokorlar nazoratida.
Ayol 20-avgust kuni ko‘p homiladorlik tashxisi bilan Respublika ona va bola salomatligi ilmiy-amaliy tibbiyot markazining Andijon viloyat filialiga yotqizilgan edi. Bugun ertalab malakali shifokorlar jamoasi — akusher-ginekologlar, neonatologlar va reanimatologlar tomonidan kesarcha kesish amaliyoti o‘tkazildi.
Dunyoga kelgan chaqaloqlarning uch nafari qiz va bir nafari o‘g‘il bola:
-
Birinchi chaqaloq — qiz bola, vazni 1 840 gramm;
-
Ikkinchi chaqaloq — o‘g‘il bola, vazni 1 534 gramm;
-
Uchinchi chaqaloq — qiz bola, vazni 1 584 gramm;
-
To‘rtinchi chaqaloq — qiz bola, vazni 1 756 gramm.
Hozirda barcha chaqaloqlar hamda ularning onasi markazning malakali mutaxassislari doimiy tibbiy nazorati ostida bo‘lib turibdi, ularning ahvoli barqaror deb baholanmoqda.
