Milliy statistika qo‘mitasi ma’lumotlariga ko‘ra, 2026-yilning birinchi yarmida sartaroshxona va go‘zallik salonlari xizmatlari hajmi 7,03 trln so‘mga yetdi. Toshkent shahri va Farg‘ona viloyati yetakchilik qilmoqda.
Milliy statistika qo‘mitasi xabariga ko‘ra, 2026-yilning yanvar–iyun oylarida O‘zbekistonda sartaroshxona va go‘zallik salonlari tomonidan ko‘rsatilgan xizmatlar hajmi 7,03 trillion so‘mni tashkil etdi.
Aholi tomonidan soha xizmatlariga eng ko‘p mablag‘ sarflangan hududlar:
-
Toshkent shahri — 1,2 trln so‘m;
-
Farg‘ona viloyati — 986,7 mlrd so‘m;
-
Samarqand viloyati — 838,7 mlrd so‘m;
-
Namangan viloyati — 745,5 mlrd so‘m;
-
Toshkent viloyati — 729,2 mlrd so‘m.
Boshqa hududlarda ko‘rsatkichlar quyidagicha taqsimlandi: Andijon viloyatida 461,4 mlrd so‘m, Qashqadaryoda 440,1 mlrd so‘m, Qoraqalpog‘iston Respublikasida 342,3 mlrd so‘m hamda Xorazm viloyatida 340,4 mlrd so‘m xizmatlar ko‘rsatilgan.
Eng kam xarajat qilingan hududlar
Aholining ushbu sohadagi xarajatlari nisbatan kamroq qayd etilgan hududlar sırasiga Buxoro (240,7 mlrd so‘m), Surxondaryo (234,7 mlrd so‘m) va Navoiy (220,9 mlrd so‘m) viloyatlari kirdi.
Raqamlarga ko‘ra, eng kam mablag‘ Jizzax (148,1 mlrd so‘m) va Sirdaryo (100,6 mlrd so‘m) viloyatlarida sartaroshxona hamda go‘zallik salonlari xizmatlariga sarflangan.
Izohlar
Hozircha izohlar yo‘q