Qashqadaryo viloyatining Yakkabog‘ tumanida 14 yoshli qiz guruh bo‘lib zo‘rlanganligi ma’lum bo‘ldi. Jinoyat ishi qo‘zg‘atilgan.
Huquqni muhofaza qiluvchi organlar bergan ma’lumotga ko‘ra, voqea 7-iyun kuni sodir bo‘lgan: 20-23 yoshlar atrofidagi to‘rt nafar fuqaro voyaga yetmagan qizni dalaga olib chiqib, unga nisbatan jinsiy zo‘ravonlik ishlatgan. Hozirda barcha gumonlanuvchilar ushlangan.
Mazkur holat yuzasidan O‘zbekiston Respublikasi Jinoyat kodeksining 118-moddasi 3-qismi “a” banti (O‘n sakkiz yoshga to‘lmagan shaxsni zo‘rlash) bilan jinoyat ishi qo‘zg‘atilgan.
Vaziyat Ijtimoiy himoya milliy agentligi hamda Bolalar ombudsmani tomonidan alohida nazoratga olindi. “Inson” ijtimoiy xizmatlar markazi xodimlari tomonidan jabrlanuvchiga psixologik, uning onasiga esa huquqiy yordam ko‘rsatildi.
Tergov harakatlari davom etmoqda va sud ekspertizasi xulosasi kutilmoqda.
