Bektemir tumanida sud shifoxona liftida bemor ayolning sha’ni va qadr-qimmatini kamsitib, tegajog‘lik qilgan 38 yoshli xodimga nisbatan ma’muriy qamoq jazosini tayyinladi.
Sud hujjatlariga ko‘ra, voqea 2026-yil 10-iyun kuni tibbiyot muassasasining liftida sodir bo‘lgan. Shifoxona xodimi u yerda bo‘lgan ayolga nisbatan uning sha’ni va qadr-qimmatini kamsituvchi so‘zlar aytgan hamda uning qo‘llari va tanasiga ruxsatsiz tekkan. Shundan so‘ng ayolning sog‘lig‘i yomonlashgan va u klinika rahbariyatiga bo‘lgan voqea haqida xabar bergan.
Sud majlisida ayblanuvchi o‘z aybini tan olmadi va liftda faqat xizmat vazifasini bajarganini, ya’ni bemorni joylashtirish bilan band bo‘lganini da’vo qildi. Shuningdek, u voizadan keyin jabrlanuvchiga qo‘ng‘iroq qilib, uzr so‘raganini ham aytib o‘tgan. Jabrlanuvchi ayol esa sudga ushbu telefon suhbatining audioyozuvini dalil sifatida taqdim etdi.
Sud barcha materiallarni ko‘rib chiqib, Ш. Т.ni Ma’muriy javobgarlik to‘g‘risidagi kodeksning 41-1-moddasi 1-qismi bilan aybdor deb topdi. Unga nisbatan 5 sutka muddatga ma’muriy qamoq jazosi tayinlandi.
