So‘nggi:
O‘zbekistonda ijtimoiy ish sohasini kompleks tartibga soluvchi yangi qonun qabul qilindiSiyosatAholi yarim yilda banklarga 12,3 milliard dollar sotdiIqtisodiyotChexiyada harbiy vertolyot halokatga uchrashi oqibatida bir kishi halok bo‘ldiDunyoFIFA O‘zbekiston milliy terma jamoasining jahon chempionatidagi ishtirokini e’tirof etdiSportMisrdan O‘zbekistonga o‘ta xavfli jinoyatchi ekstraditsiya qilindiJamiyatYangiqo‘rg‘onda qishloq xo‘jaligi maydonlari do‘ldan raketalar yordamida himoya qilindiJamiyatQashqadaryoda kelinini o‘zini o‘ldirish darajasiga yetkazgan qaynona 5 yilga qamaldiJamiyatO‘zbekistonda xaridlar uchun 1% keshbekni bekor qilish taklif qilindiIqtisodiyotChirchiqda ko‘cha mushuklarini boqqani uchun jarimaga tortilgan 73 yoshli ayol vafot etdiJamiyatWildberries’ning Krasnodar va Nevinnomisskdagi omborlariga dronlar hujum qildiDunyo

Toshkentda 240 ta yangi avtobus xarid qilinadi va 16 ta yangi yo‘nalish ochiladi

Jamiyat
Toshkentda 240 ta yangi avtobus xarid qilinadi va 16 ta yangi yo‘nalish ochiladi

Toshkent shahar xalq deputatlari kengashi jamoat transportidagi tizimli muammolarni hal etish bo‘yicha qaror qabul qildi. Rejada 240 ta avtobus xarid qilish, 56 km alohida yo‘laklar tashkil etish va 1100 dan ortiq bekatlarni rekonstruksiya qilish belgilangan.

Bugungi kunda tig‘iz vaqtlarda avtobus kutish vaqti 35–40 daqiqagacha cho‘zilayotgani jiddiy muammo sifatida qayd etilgan. Bunga asosiy sabab — maxsus ajratilgan yo‘laklarning yetishmasligidir. Mavjud 87,4 km uzunlikdagi yo‘laklar shahar magistral yo‘llarining atigi 18,5 foizini tashkil etadi, oqibatda avtobuslar umumiy tirbandliklarda qolib ketmoqda. Hozirda jamoat transportining umumiy tashishlardagi ulushi atigi 35 foizni tashkil etmoqda.

Vaziyatni o‘zgartirish uchun 240 ta yangi avtobus xarid qilish, 16 ta yangi yo‘nalish ochish va kunlik reyslar sonini 25 mingtaga yetkazish topshirildi. Jamoat transporti ustuvorligini ta’minlash maqsadida 16,2 km uzunlikdagi BRT liniyalari va 56 km qo‘shimcha alohida avtobus yo‘laklari tashkil etiladi. Yo‘laklarda tartibni saqlash uchun 600 dan ortiq kuzatuv kameralari o‘rnatiladi, transport oqimini real vaqt rejimida boshqarish uchun esa 545 ta «aqlli» svetofor tizimi joriy qilinadi.

Infratuzilmani yaxshilash doirasida 1116 ta mavjud bekat rekonstruksiya qilinadi va 70 ta yangi to‘xtash joyi quriladi. Shuningdek, yangi qurilgan turar joy massivlari aholisining murojaatlari inobatga olingan holda, bekatlar joylashuvi qayta ko‘rib chiqiladi. Ushbu choralar poytaxt ko‘chalarida avtobuslarning jadval asosida va uzluksiz harakatlanishini ta’minlashi kutilmoqda.

Рекомендуем