2026-yil avgust oyida «Quyoshli xonadon» dasturidan foydalangan 61,5 mingdan ortiq fuqaroga 105,4 mlrd so‘m subsidiya ajratildi. Eng ko‘p ulush Buxoro viloyatiga to‘g‘ri keldi.
Avgust oyi subsidiyasi va hududlar kesimi
2026-yilning avgust oyida «Quyoshli xonadon» dasturi doirasida xonadoniga quyosh panellari o‘rnatgan 61 548 nafarfuqaro Yagona elektr energetika tizimiga uzatgan elektr energiyasi uchun jami 105,4 milliard so‘m subsidiya oladi.
Soliq qo‘mitasining ma’lumotlariga ko‘ra, ajratilayotgan subsidiyalarning eng katta hajmi quyidagi hududlar hissasiga to‘g‘ri kelmoqda:
-
Buxoro viloyati — 18,9 milliard so‘m;
-
Xorazm viloyati — 18,3 milliard so‘m;
-
Qoraqalpog‘iston Respublikasi — 12,4 milliard so‘m.
Subsidiyani olish tartibi va dastur shartlari
Fuqarolar hisoblangan subsidiyani «Soliq» mobil ilovasining «Keshbek va imtiyozlar» → «Quyoshli xonadon» → «Kartaga pul o‘tkazish» bo‘limi orqali o‘z bank kartalariga o‘tkazib olishlari mumkin.
Eslatib o‘tamiz, «Quyoshli xonadon» dasturi shartlariga muvofiq, o‘z ehtiyojidan ortgan va umumiy elektr tarmog‘iga uzatilgan har bir 1 kVt·soat elektr energiyasi uchun fuqarolarga 1 000 so‘mdan subsidiya to‘lanadi. 2026-yilning birinchi yarmida ushbu yo‘nalishda davlat byudjetidan jismoniy shaxslarga 330 milliard 822 million so‘m subsidiya ajratilgan edi.
