Yangiyo‘lda 27 yoshli erkak xotinini urib o‘ldirdi, 3 yoshli qizini xorlab, hayotidan zamin uzdi. Jinoyat ishlari bo‘yicha Yangiyo‘l shahar sudi unga umrbod ozodlikdan mahrum qilish jazosini tayinladi.
Yangiyo‘ldagi mudhish jinoyat tafsilotlari
4-noyabr kuni Jinoyat ishlari bo‘yicha Yangiyo‘l shahar sudi o‘z oilasiga nisbatan o‘ta og‘ir jinoyatlarni sodir etgan 27 yoshli Habibullo Qobilovga nisbatan hukm chiqardi.
Tergov va sud hujjatlariga ko‘ra, hodisa 2026-yil 7-iyun kuni ertalab sodir bo‘lgan. Mast holatda bo‘lgan Qobilov 24 yoshli shifokor yordamchisi bo‘lib ishlagan turmush o‘rtog‘ini urib, o‘ldirgan. Shundan so‘ng u hali 3 yoshga ham to‘lmagan qiziga nisbatan jinsiy zo‘ravonlik ishlatib, uni ham o‘ldirgan.
Jinoyat izlarini yashirish maqsadida u qizaloqning murdasini sport sumkasiga joylab, Toshkent shahridagi otasining xonadoniga olib borgan va ko‘chadagi hojatxonaga tashlab yuborgan. Ayolning og‘ir tan jarohatlari bo‘lgan murdasi 8-iyun kuni xonadondan topilgan.
Sud hukmi va jamoatchilik munosabati
Toshkent viloyati prokuraturasi tomonidan tegishli moddalar bilan jinoyat ishi qo‘zg‘atilib, Qobilov qamoqqa olingan edi.Tergov davomida u o‘z aybiga iqror bo‘lmagan bo‘lsa-da, toplangan rad etib bo‘lmas dalillar asosida sud uni aybdor deb topdi va umrbod ozodlikdan mahrum qilish jazosini tayinladi.
Mudhish voqea haqida NeMolchi.uz loyihasi ham axborot berib, bunday holatlarni shunchaki «oilaviy kelishmovchilik» deb baholash noto‘g‘riligini hamda xotin-qizlarni zo‘ravonlikdan fojia sodir bo‘lmasdan oldin himoya qilish tizimini kuchaytirish zarurligini ta’kidladi.
Izohlar
Hozircha izohlar yo‘q