Saida Mirziyoyeva Qatarga tashrifi davomida ushbu davlat amiri Shayx Tamim bin Hamad al Soniy bilan uchrashdi. Muloqotda hamkorlikni kengaytirish masalalari muhokama qilindi.
O‘zaro hamkorlik va yangi tashabbuslar
Prezident administratsiyasi rahbari Saida Mirziyoyeva Qatarga tashrifi davomida ushbu davlat amiri Shayx Tamim bin Hamad al Soniy bilan uchrashdi. Suhbat avvalida u Qatar amiriga O‘zbekiston Prezidenti Shavkat Mirziyoyevning salomi va eng ezgu tilaklarini yetkazdi.
Muloqot chog‘ida ikki mamlakat o‘rtasidagi o‘zaro aloqalarni yanada kengaytirish hamda yangi qo‘shma loyiha va tashabbuslarni ilgari surish masalalari atroflicha muhokama qilindi. Saida Mirziyoyeva O‘zbekiston va Qatar o‘rtasida mushtarak manfaatlar hamda istiqbolli loyihalarni amalga oshirish uchun ulkan imkoniyatlar mavjudligini ta’kidladi.
Madaniy tadbirlar va ko‘rgazmalar
Tashrif doirasida madaniy-gumanitar aloqalarni rivojlantirishga qaratilgan bir qator tadbirlar bo‘lib o‘tdi:
-
«O‘zbekiston: harakatdagi meros» ko‘rgazmasi: 2-sentabr kuni Saida Mirziyoyeva Shayxa al-Mayassa bint Hamad bin Xalifa al Soniy bilan birgalikda Qatar Islom san’ati muzeyida ushbu ko‘rgazmaning ochilishida ishtirok etdi.
-
«Ektashif O‘zbekiston» loyihasi: Shu kuni qatarlik yetti nafar hunarmandning Toshkent, Samarqand va Buxoro bo‘ylab ijodiy safari yakunlariga bag‘ishlangan ko‘rgazma ham o‘z ishini boshladi.
Izohlar
Hozircha izohlar yo‘q