Prezident Samarqand viloyatidagi yangilangan Imom Buxoriy majmuasiga tashrif buyurdi. Davlat rahbari dastlab majmua markazida joylashgan buyuk alloma maqbarasini ziyorat qildi.
Marosim davomida Qur’on oyatlari tilovat qilinib, duo etildi. Tashrif davomida mazkur obektning nafaqat me’moriy, balki ma’naviy ahamiyati alohida ta’kidlandi.
Prezident majmuaning ochilishini mamlakatimiz hayotidagi muhim voqea deb atadi. Uning qayd etishicha, ushbu maskan o‘zbek xalqining fidokorona mehnati hamda ezgu niyatlari natijasidir:
Majmua «Muhaddislar sultoni» deb e’tirof etilgan Imom Buxoriyning dunyo miqyosidagi nufuziga mos ravishda barpo etildi. Ushbu ziyoratgoh yosh avlodni tarbiyalash va islom sivilizatsiyasi tarixini o‘rganishda muhim markaz bo‘lib xizmat qiladi. Davlat rahbari barcha yurtdoshlarimizni ushbu tarixiy maskanning foydalanishga topshirilishi bilan qutladi.
Eslatib o‘tamiz, yangilangan majmua o‘z ichiga 10 ming namozxonga mo‘ljallangan muhtasham masjid, balandligi 75 metrlik to‘rtta minora va keng ko‘lamli muzeyni oladi. Bu yerda bir vaqtning o‘zida minglab ziyoratchilar uchun barcha zarur sharoitlar yaratilgan.
