O‘zgidromet 31-mart hamda 2–6-aprel kunlari kutilayotgan kuchli yog‘ingarchilik sababli favqulodda ogohlantirish bilan chiqdi. To‘qqizta viloyatda sel va suv toshqinlari yuzaga kelishi mumkin.
Sinoptiklarning ma’lum qilishicha, yaqin kunlarda kutilayotgan yomg‘irlar oqibatida respublikaning tog‘li hududlarida sel-suv toshqin hodisalari kuzatilishi ehtimoli bor. Xavf ostidagi hududlar qatoriga Qashqadaryo, Surxondaryo, Samarqand, Navoiy, Jizzax, Toshkent, Namangan, Farg‘ona va Andijon viloyatlari kiritilgan.
Mutaxassislar, shuningdek, hududlarni suv bosishi, yomg‘ir suvlari to‘planib qolishi hamda avtomobil yo‘llarida harakatlanish murakkablashishi mumkinligidan ogohlantirmoqda. Tog‘li hududlarga borishni rejalashtirayotgan haydovchilar va dam oluvchilarga ehtiyot choralarini ko‘rish, xavfli uchastkalardan uzoqroq bo‘lish tavsiya etiladi.
Izohlar
Hozircha izohlar yo‘q