Olti kun ichida o‘zbekistonda yaratilgan o‘yin bir haftaga qolmay 1 million nusxada sotildi. Kraken Express studiyasining Windrose loyihasi Steam platformasida haqiqiy shov-shuvga sabab bo‘ldi.
O‘zbekistonning Kraken Express studiyasi tomonidan ishlab chiqilgan Windrose kompyuter o‘yini jahon geymdev sanoatida katta muvaffaqiyatga erishdi. 14-aprel kuni Steam tarmog‘ida e’lon qilingan loyiha olti kun o‘tmasdan 1 million nusxa miqdorida sotilib, o‘zbek dasturchilari uchun misli ko‘rilmagan natijani qayd etdi. Ma’lumotlarga ko‘ra, bir vaqtning o‘zida o‘yin ichida bo‘lgan foydalanuvchilar soni 200 ming kishilik ko‘rsatkichdan oshib ketgan.
O‘yin mutaxassislari loyihaning dengiz sarguzashtlari muhiti va suvning yuqori darajadagi fizikasini alohida e’tirof etishmoqda. Ishlab chiquvchilar allaqachon foydalanuvchilarning takliflari asosida serverlar ishini yaxshilovchi va xatoliklarni bartaraf etuvchi ilk yangilanishni taqdim etishdi. Kraken Express jamoasi geymerlarning tanqidiy fikrlarini ham inobatga olgan holda, personajlarni rivojlantirish tizimini yanada takomillashtirishga va’da bermoqda.
