O‘zbekiston Yaqin Sharqda Pokiston vositachiligida erishilgan sulhni qo‘llab-quvvatladi. TIV barcha mojarolarni faqat tinch yo‘l bilan hal etish zarurligini eslatdi.
Pokiston rahbariyatining vositachilik sa’y-harakatlari natijasida Yaqin Sharqda erishilgan sulh O‘zbekiston tashqi siyosiy idorasi tomonidan ijobiy baholandi. Vazirlik bayonotida ta’kidlanishicha, ushbu qadam keskinlikni pasaytirish va tomonlar o‘rtasidagi ziddiyatlarni siyosiy yo‘l bilan hal etish uchun zarur sharoitlarni yaratadi. Toshkent bu jarayonni o‘zaro manfaatli murosaga erishishning boshlang‘ich nuqtasi sifatida ko‘rmoqda.
Shu bilan birga, O‘zbekiston tomoni barcha ishtirokchilarni maksimal darajada vazmin bo‘lishga va tinchlik jarayoniga putur yetkazishi mumkin bo‘lgan har qanday provokatsiyalardan uzoq turishga chaqirdi. Barqarorlikka erishish uchun konstruktiv muloqotni davom ettirish muhimligi alohida qayd etildi. Mamlakatimiz barcha xalqaro nizolarni faqatgina tinchlik yo‘li bilan hamda BMT Nizomida belgilangan xalqaro huquq normalari doirasida hal etish borasidagi qat’iy pozitsiyasini yana bir bor ma’lum qildi.
