IIV Toshkentdagi maktabda yuz bergan janjalda darsga xalaqit bergan va pedagogga hurmatsizlik qilgan o‘quvchilarning o‘zini aybdor deb topdi va o‘qituvchilar himoyasini kuchaytirishini bildirdi.
Huquq tartibot idoralarining o‘tkazilgan tekshiruvlar natijasiga tayangan rasmiy bayonotida qayd etilishicha, dars paytidagi janjal va mushtlashuv kelib chiqishiga bevosita o‘quvchilarning o‘zi sababchi bo‘lgan. Bolalar informatika fani darsi jarayoniga qo‘pol ravishda xalaqit bergan, o‘qituvchining qonuniy talablarini bajarmagan va ustozga nisbatan ochiqchasiga hurmatsizlik namoyish etgan. Surishtiruv doirasida mas’ul xodimlar ushbu muammoga sabab bo‘lgan ota onalarning farzand tarbiyasidagi mas’uliyatsizligiga ham alohida e’tibor qaratdi.
Mazkur holat yuzasidan o‘tkazilgan maxsus yig‘ilishda vazirlik rahbariyati o‘qituvchilar sha’nini himoya qilib chiqdi. Ichki ishlar vazirining birinchi o‘rinbosari Rustam Jo‘rayev yurtimizdagi barcha ustozlar bevosita Prezident himoyasida ekanini hamda ularning ortida armiya turganini qat’iy ta’kidladi. Toshkent shahar ichki ishlar bosh boshqarmasi boshlig‘i esa o‘z navbatida poytaxt maktablarida o‘qituvchilarga qo‘l ko‘tarish, ularni haqorat qilish va kamsitish holatlariga mutqloq chek qo‘yilishini hamda bunday xatti harakatlar bundan buyon hech qachon javobsiz qolmasligini bildirdi.
Izohlar
Hozircha izohlar yo‘q