Toshkent shahar Majburiy ijro bürosi boshqarmasiga yangi rahbar tayinlandi. Bosh prokuror buyrug‘i bilan ushbu lavozimni Nodirjon Aripov egalladi.
Toshkent shahar Majburiy ijro byurosi (MIB) boshqarmasida rahbar o‘zgardi. Bosh prokurorning buyrug‘iga asosan, Nodirjon Aripov Majburiy ijro byurosining Toshkent shahar boshqarmasi boshlig‘i lavozimiga tayinlandi. Bu haqda O‘zbekiston Milliy axborot agentligi (O‘zA) xabar bermoqda.
Nodirjon Aripov poytaxtning bir qator tumanlarida MIB tizimida rahbarlik lavozimlarida ishlagan. U mazkur tayinlovga qadar MIBning Olmazor tuman bo‘limi boshlig‘i vazifasida faoliyat yuritib kelayotgan edi. Shuningdek, u o‘tgan yillar davomida byuroning Uchtepa va Yangihayot tumanlari bo‘limlariga ham rahbarlik qilgan.
Toshkent shahar MIB boshqarmasining sobiq rahbari Ahrorbek Arziyev esa prokuratura tizimidagi boshqa ishga o‘tkazildi. U Andijon viloyati prokurorining o‘rinbosari lavozimiga tayinlandi.
Izohlar
Hozircha izohlar yo‘q