May oyida o‘zbekistonliklar jami 14 kungacha dam olishlari ma’lum bo‘ldi. Xabarda bayram kunlari beriladigan uzoq muddatli ta’tillar haqida batafsil ma’lumot berilgan.
2026-yilning so‘nggi bahorgi oyi o‘zbekistonliklar uchun dam olish kunlariga boy bo‘lishi kutilmoqda. Haftasiga besh kun ishlaydigan fuqarolar may oyida jami 14 kun hordiq chiqarish imkoniga ega bo‘ladilar.
Bunday ko‘rsatkich bayram sanalarining taqvimdagi dam olish kunlariga to‘g‘ri kelishi hamda hukumatning aholi dam olishini tashkil etish borasidagi qarorlari natijasida yuzaga keldi.
Dastlabki dam olish kunlari 9-may bayrami munosabati bilan beriladi. Bayram shanba kuniga to‘g‘ri kelgani bois qo‘shimcha dam olish kuni dushanba 11-mayga o‘tkazildi.
Buning natijasida aholi ketma-ket uch kun davomida ishga chiqmaydi. Oy yakunida esa barcha yurtdoshlarimizni yanada uzoqroq muddatli ta’til kutmoqda. Qurbon hayiti bayrami munosabati bilan 27-maydan 31-maygacha besh kunlik uzluksiz dam olish davri e’lon qilinishi kutilmoqda. Ushbu besh kunlik ta’til ham besh kunlik, ham olti kunlik ish haftasida ishlovchilar uchun birdek amal qiladi.
Izohlar
Hozircha izohlar yo‘q