Dunyoning bir qator mamlakatlarida Telegram ishida nosozlik kuzatilgani haqida xabarlar tarqaldi. Foydalanuvchilar xabar yuborishda kechikishlar va fayllarni yuklash bilan bog‘liq muammolar haqida ommaviy ravishda yozmoqda.
Foydalanuvchilarning aytishicha, oddiy matnli xabarlar kechikib yuborilmoqda, ovozli xabarlar, rasmlar, videolar va boshqa fayllar esa deyarli yuklanmayapti.
Nosozliklar haqida xabarlar Rossiya va boshqa bir qator davlatlardan kelib tushmoqda. Bu esa xizmat ishida global texnik muammo yuzaga kelgan bo‘lishi mumkinligini ko‘rsatmoqda.
Shu bilan birga, O‘zbekistondagi ayrim foydalanuvchilar messenjer faoliyatida jiddiy muammolar kuzatilmayotganini bildirgan.
Hozircha Telegram vakillari tomonidan rasmiy izoh berilmagan.
