Donald Tramp Eron bilan nizo 3 hafta ichida hal bo‘lishini aytdi. AQSH prezidenti Eron urani sifatsizligini ta’kidlab, uni nazoratga olish rejasini e’lon qildi.
AQSH prezidenti Donald Tramp Vashington va Tehron o‘rtasidagi keskinlik yaqin orada bartaraf etilishini taxmin qilmoqda. The Hugh Hewitt Show podkastiga bergan intervyusida Amerika yetakchisi ixtilofning barham topishi uchun ikki yoki uch hafta yetarli bo‘lishini ta’kidladi.
Trampning so‘zlariga ko‘ra Oq uy vaziyatni barqarorlashtirish bo‘yicha aniq muddatlarga bog‘lanib qolmagan bo‘lsa-da jarayon tezlashishi kutilmoqda.
Shuningdek AQSH prezidenti Eronning yadroviy salohiyatiga to‘xtalib o‘tdi va ushbu mamlakatdagi boyitilgan uran sifati past ekanligini aytdi. Trampning fikricha Tehron zaxirasidagi uran amaliy foydalanish uchun yaroqsiz bo‘lishi ehtimoli yuqori. Shunga qaramay u mazkur xomashyoni xalqaro nazorat ostiga olish niyatini bildirdi.
Yaqin Sharqdagi so‘nggi harbiy harakatlar va BAA hududi o‘qqa tutilishi ortidan o‘t ochishni to‘xtatish tartibi qanchalik amalda ekani borasidagi savolni Tramp ochiq qoldirdi.
