Buxoro shahrida Chery rusumli avtomobil haydovchisi mast holda yirik yo‘l halokati sodir etdi. Hodisa oqibatida piyodalar yo‘lakchasidan o‘tayotgan kichik yoshdagi bola tan jarohati oldi.
Zarba kuchidan boshqaruvni yo‘qotgan haydovchi qarama-qarshi yo‘nalishdagi Lacetti bilan to‘qnashgan va piyodalar yo‘lagidan o‘tayotgan 2021-yilda tug‘ilgan bolani urib yuborgan.
Voqea joyidan qochishga uringan haydovchi harakat davomida yana bir avtotransportga zarar yetkazgan. IIB xodimlari tomonidan o‘tkazilgan tekshiruvlar natijasida haydovchining og‘ir darajadagi mastlik holati tasdiqlandi. Hozirda ushbu holat yuzasidan Ma’muriy javobgarlik to‘g‘risidagi kodeksning 131-moddasi bilan ish qo‘zg‘atilgan.
Qonunbuzar haydovchilik huquqidan 3 yilga mahrum etilishi va 13,2 million so‘m (40 BHM) miqdorida jarimaga tortilishi mumkin. Tergov harakatlari davom ettirilmoqda.
Izohlar
Hozircha izohlar yo‘q