O‘zbekistonlik himoyachi Abduqodir Husanov Angliya futboli tarixida rasmiy sovrin sohibiga aylangan ilk o‘zbek futbolchisi sifatida o‘z ismini zarhal harflar bilan yozib qo‘ydi. Ushbu unutilmas voqea Londonning muhtasham «Uembli» stadionida bo‘lib o‘tgan final bahsida yuz berdi.
Hal qiluvchi o‘yinda «Manchester Siti» «Arsenal» jamoasini 2:0 hisobida mag‘lub etdi.
-
g‘oliblar safida Niko O’Rayli dubl qayd etdi. U ikkinchi bo‘limning 60 va 64-daqiqalarida raqib darvozasini ishg‘ol qilib, jamoasiga navbatdagi chempionlikni taqdim etdi.
-
bu g‘alaba «shaharliklar» uchun o‘z tarixidagi to‘qqizinchi Angliya liga kubogi bo‘ldi.
Hamyurtimiz uchrashuvni asosiy tarkibda boshladi va hakamning yakuniy hushtagi yangraguncha maydonda harakat qildi.
-
SofaScore tahliliy portali Husanovning o‘yinini 7,0 ballga loyiq ko‘rdi.
-
Abduqodir 2025-yilda Fransiyaning «Lans» klubidan 40 million yevro evaziga «Manchester Siti» safiga o‘tgan edi. Uning klub bilan shartnomasi 2029-yilgacha mo‘ljallangan.
Ushbu g‘alaba o‘zbek futboli uchun yangi ufqlar ochib berdi va Husanovning Yevropa grandi safidagi muvaffaqiyatli yurishini tasdiqladi.
Izohlar
Hozircha izohlar yo‘q