Navoiy viloyatidagi 4-sonli koloniyada saqlanayotgan mahkum xonadoshini muddatidan ilgari ozodlikka chiqarishni va’da qilib, 15 ming dollar talab qildi. Holat yuzasidan jinoyat ishi qo‘zg‘atildi.
U akasining go‘yoki yuqori lavozimlarda ishlaydigan tanishlari orqali uni muddatidan ilgari ozodlikka chiqarishni taklif etgan. O‘z xizmatlari evaziga u 15 ming AQSh dollari talab qilib, shundan 10 ming dollarini oldindan to‘lanadigan bo‘nak sifatida berishni shart qilib qo‘ydi.
Pullarni tashqaridagi tanishi orqali olayotgan vaqtida vositachi prokuratura hamda ichki ishlar organlari xodimlari tomonidan qo‘lga olindi. Surishtiruvlar davomida ushbu jinoiy guruh tarkibiga Toshkentdagi oliy o‘quv yurtlaridan birining talabasi ham kirgani aniqlandi. U mahkumlardan pullarni yig‘ib, tegishli shaxslarga yetkazish bilan shug‘ullangan. Holat yuzasidan Jinoyat kodeksining 168-moddasi (Firibgarlik) va 211-moddasi (Pora berish) bo‘yicha jinoyat ishi qo‘zg‘atilib, tergov harakatlari olib borilmoqda.
