O‘zbekistonliklar 2026-yilgi Mustaqillik bayramida necha kun dam olishi ma’lum bo‘ldi. 5 kunlik va 6 kunlik ish haftasida ishlaydiganlar uchun dam olish kunlari tartibi.
Sentyabr oyi boshidagi bayram kunlarida 5 kunlik va 6 kunlik ish haftasi tartibida mehnat qiladigan fuqarolar uchun dam olish kunlari ketma-ketligi hamda davomiyligi bir-biridan farq qiladi.
5 kunlik ish haftasida ishlaydiganlar uchun (ketma-ket 4 kun dam olish):
Besh kunlik ish tartibidagi xodimlar uchun avgust oyining oxirgi kunlari va sentyabr oyining boshi ketma-ket 4 kunlik uzluksiz dam olish davrini hosil qiladi:
-
29-avgust (shanba) — taqvim bo‘yicha odatiy dam olish kuni;
-
30-avgust (yakshanba) — taqvim bo‘yicha odatiy dam olish kuni;
-
31-avgust (dushanba) — barcha xodimlar uchun belgilangan qo‘shimcha ishlanmaydigan kun;
-
1-sentabr (seshanba) — Mustaqillik kuni (rasmiy bayram va ishlanmaydigan kun).
6 kunlik ish haftasida ishlaydiganlar uchun (ketma-ket 3 kun dam olish):
Olti kunlik ish tartibida mehnat qiladigan xodimlar uchun shanba kuni ish kuni hisoblangani sababli dam olish kunlari ketma-ketligi 3 kunni tashkil etadi:
-
29-avgust (shanba) — odatiy ish kuni (qonunchilikka ko‘ra bayram oldi qisqartirilgan ish kuni);
-
30-avgust (yakshanba) — taqvim bo‘yicha odatiy dam olish kuni;
-
31-avgust (dushanba) — barcha xodimlar uchun belgilangan qo‘shimcha ishlanmaydigan kun;
-
1-sentabr (seshanba) — Mustaqillik kuni (rasmiy bayram va ishlanmaydigan kun).
Ishga chiqish va oylik maosh masalasi:
Barcha tashkilot va korxonalarda 2-sentabr, chorshanba kuni rasman to‘liq ish kuni hisoblanadi. 31-avgust kuni uchun belgilangan qo‘shimcha ishlanmaydigan kun xodimlarning oylik maoshlari kamayishiga sabab bo‘lmaydi hamda mehnat qonunchiligiga ko‘ra to‘liq saqlab qolinadi. Bayram kunlarida navbatchilik va uzluksiz ishlab chiqarish ob’yektlarida xizmat ko‘rsatadigan xodimlarga mehnat kodeksiga asosan tegishli kompensatsiya va oshirilgan to‘lovlar kafolatlanadi.
Izohlar
Hozircha izohlar yo‘q