30-iyun – Yoshlar kuni munosabati bilan o‘tkazilgan tadbirda innovatsion loyihalar namoyish etildi. G‘olib Ayzada Asanovaga Prezident sovg‘asi — Volkswagen elektromobili tantanali ravishda topshirildi. .
30-iyun — Yoshlar kuni munosabati bilan poytaxtdagi Olimpiya shaharchasida tashkil etilgan bayram tadbiri doirasida Yoshlarning tashabbuslarini qo‘llab-quvvatlash ofisi tomonidan davlat rahbariga bir qator innovatsion loyihalar taqdim etildi.
Taqdimot davomida iqtidorli yoshlar o‘zlarining ilmiy ishlanmalari, muhandislik loyihalari, antidron tizimlari va ta’limga oid takliflarini namoyish etishdi.
Tadbirning eng e’tiborli voqealaridan biri mukofotlash marosimi bo‘ldi. “Kelajak muhandislari” xalqaro festivalining “Yangi avlod avtomobillari” yo‘nalishi g‘olibi Ayzada Asanovaga Prezident sovg‘asi — Volkswagen elektromobili tantanali ravishda topshirildi. Shuningdek, yosh ixtirochi qiz Belgiyada bo‘lib o‘tadigan xalqaro tanlovda ishtirok etish yo‘llanmasiga ham ega bo‘ldi.
