Bektemir tumani sudi qarori bilan jamoat transportida ayol kishiga tazyiq o‘tkazib jinsiy a’zosini ko‘rsatdgan viloyatlik fuqaro 15 sutkaga qamaldi. Navbatdan tashqari hodisa tonggi vaqtda poytaxtda qatnovchi 97-sonli yo‘nalishli avtobusda ro‘y bergan.
Keyinroq kiyimlarini pastga tushirgan holda unga jinsiy a’zosini ko‘rsatib, shon-sharafini yerga urgan. Jabrlanuvchining baqirishi ortidan u avtobusdan juftakni rostlamoqchi bo‘lgan, biroq haydovchi eshiklarni ochmagan. Shundan so‘ng mast shaxs transport vositasini tepib, haqoratli so‘zlar ishlatgan. Voqea joyiga chaqirilgan ichki ishlar xodimlariga ham bo‘ysunmay, faol qarshilik ko‘rsatgan.
Sud jarayonida ayblanuvchi qilmishidan afsusdaligini, mastligi sababli hech narsani eslay olmay, IIB binosida o‘ziga kelganini bildirib, kechirim so‘radi.
Sud qarori bilan u Ma’muriy javobgarlik to‘g‘risidagi kodeksning 41-1-moddasi (Shahvoniy shilqimlik), 183-moddasi (Mayda bezorilik) hamda 194-moddasi (IIO xodimining qonuniy talablarini bajarmaslik) bo‘yicha aybdor deb topildi. Huquqbuzarga 15 sutka muddatga ma’muriy qamoq, BHMning 5 baravari (2 060 000 so‘m) miqdorida jarima va saqlash xarajatlari uchun 933 ming so‘m to‘lash majburiyati yuklatildi.
