Vaqt tafovuti sababli O‘zbekiston – Kolumbiya uchrashuvi Toshkent vaqti bilan 07:00 da boshlanadi. 18-iyun kuni davlat tashkilotlarida ish soat 10:00 dan boshlanadi.
O‘zbekistonda milliy terma jamoaning Jahon chempionatidagi debyut uchrashuvini tomosha qilish uchun fuqarolarga qulaylik yaratiladi. Payshanba, 18-iyun kuni mamlakatdagi barcha davlat tashkilotlarida ish kuni soat 10:00 dan boshlanadi. Bu haqda Prezident matbuot kotibi Sherzod Asadov ma’lum qildi.
Bunday qaror milliy jamoamizning Kolumbiya terma jamoasiga qarshi kechadigan tarixiy o‘yini munosabati bilan qabul qilindi. Vaqt tafovuti sababli uchrashuvning to‘g‘ridan-to‘g‘ri translyatsiyasi Toshkent vaqti bilan ertalab soat 07:00 da boshlanadi. Ish vaqtining surilishi millionlab vatandoshlarimizga hech qanday shoshilishlarsiz, sevimli jamoamizni ekran qarshisida xotirjam qo‘llab-quvvatlash imkoniyatini beradi.
Izohlar
Hozircha izohlar yo‘q