Qishloq xo‘jaligi vazirligi bahorgi sovuqlar haqida ogohlantirdi. O‘zbekistonda 10–13-mart kunlari sovuq havo oqimi kirib kelishi kutilmoqda. Harorat -8°C darajagacha pasayishi bog‘dorchilikka jiddiy xavf tug‘diradi.
Bog‘dorchilik bo‘yicha xalqaro ekspert Shuhrat Abrorov Michigan universiteti tadqiqotlariga tayangan holda mevali daraxtlarning sovuqqa chidamliligi haqida muhim ma’lumotlarni taqdim etdi.
Sovuqning o‘simlik rivojlanish fazalariga ta’siri
Gilos, olma va nok kabi mevali daraxtlarning turli rivojlanish bosqichlari sovuqqa turlicha munosabat bildiradi.
Sovuqdan himoyalanish choralari
Ehtiyot choralari tonggi 3:00–5:00 oralig‘ida ayniqsa dolzarb hisoblanadi. Mutaxassislar quyidagi amaliy tavsiyalarni berishadi:
-
Tutun hosil qilish Bog‘larda nam xashak, shox-shabba va go‘ng to‘plab, tutatish ishlarini olib borish. Bu bog‘dagi haroratni 1–2 gradusga ko‘tarishga yordam beradi.
-
Sug‘orish Sovuq tushishidan oldin bog‘larni mo‘l-ko‘l sug‘orish. Nam tuproq issiqlikni yaxshi saqlaydi va kechasi uni havoga ajratib, daraxt atrofida mikroiqlim hosil qiladi.
-
Yopib qo‘yish Kichikroq maydonlardagi ko‘chatlarni maxsus agrotola yoki plyonka bilan yopish.
-
Oziqlantirish Kaliyli o‘g‘itlar bilan oziqlantirish daraxtlarning sovuqqa chidamliligini oshiradi.
